"Woh muhabat ko peristish ka maqam detta tha
Aur guzrey qisson ko ibadat ka darja samaghta tha
Kehta tha muhabat meen koi gharz posheeda naheen hotti
Muhabat to begharz aur lafani hotti hey
Kuch ajjeb falsafa muhabat meen us ka tha key
Woh meri muhabat ka talib bhi tha
Aur men usey matloob bhi na thi
Kehta tha key meen us ki rooh meen gazb hoon aisey
Key mujh ko panney ki us ko hasrat bhi naheen
Ajeeb shakhs tha kuch ajjeb se us ki kahani thi
Yeh dor ab aisi muhabatoon ka naheen raha
Millan key baghair muhabatoon ka kia tassawer hey
Deed key baghair chahatoon ka kia rang hey
Yeh dor to faqt aghraz pey mabni hey
Meri muhabat bhi sirf char din ki kahani thi
Koi garri aik hee station pey hamesha naheen rukti
Waqt key sath khialat badaltey jatey heen
Muhabat baqqi rehti hey mehboob badaltey jatey heen
Mein ney chaha key khialat us key badal dallon aur
Muhabat ki haqeeqi tasweer dikha doon us ko
Woh muhabat ka pujari tha meen ney
Us ko tanhai ki saza dey dalli ....