ab ke ham bichharay to shaayad kabhi Khwaboun main milain
jis tarah suukhe hue phuul kitaaboun main milain

Dhoond ujarry hue logoun main wafa ke moti
ye Khazaane tujhe mumkin hai Kharaaboun main milain

tuu Khudaa hai na meraa ishq farishtoun jaisaa
dono insan hain to kyon itane hijaaboun main milain

Gam-e-duniyaa bhi Gam-e-yaar main shaamil kar lo
nashaa bataa hai sharabr jo sharaaboun mai milain

aaj ham daar pe kheinche gaye jin baatoun par
kyaa ajab kal wo zamaane ko nisaaboun main milain

ab na wo main houn na tu hai na wo maazi hai `Faraaz',
jaise do shaKhs tamannaa ke saraaboun main milain